tg-me.com/drug0pen/93
Last Update:
كلمتين عن دواء جديد .. يهمك تعرفه ..
- مبدئيا كده المادة الفعالة , هي vonoprazan , عشان تفتكرها (مش أكتر) , حنفترض إنك بتتصل (فون بـ رزان) مغربي .. و ده من باب ربط المعلومة بحاجة دمها خفيف , .. أكرر : ليس أكثر !!
- الاستخدام الأساسي للعلاج ده , هو كل اللي يقدر عليه الـ Proton Pump Inhibitors .. من أول الارتجاع المريئي , لحد قرحة المعدة .. الفرق إن كل الدراسات تشير إنه أقوى منهم كلهم !! .. و كمان أقل منهم في الأعراض الجانبية !!
- و هل طريقة الشغل واحدة برضه ؟؟!! .. هي طريقة مشابهة , لكن مش بنشتغل على نفس الـ Receptors , لإن vonoprazan عبارة عن P-CAB , يعني potassium-competitive acid blocker و بيقفل الـ H+, K+ ATPase enzyme .. يعني نقدر نعتبرهم الجيل التالي بعد الـ H2 Blockers و الـ PPIs ..
- و يا ترى الجرعة أخبارها إيه ؟؟!! ..
مرة يوميا يا باشا .. (سواء بتركيز 10 أو 20 مجم)
- طب و مدة التناول ؟؟!! ..
التحسن بشكل مناسب بيحصل خلال 4 لـ 8 أسابيع , و مش مطلوب الاستمرار عليه أكتر من كده ..
الدوا موجود في السوق المصري من شهور بسيطة من خلال شركة Inspire , و اللي بدأوا في استخدامه خلال الفترة اللي فاتت , حسّوا بتحسن ملحوظ ..
من صفحة :- د.أحمد الجويلى
BY قناة الدواء والقلم💊✒️
Warning: Undefined variable $i in /var/www/tg-me/post.php on line 280
Share with your friend now:
tg-me.com/drug0pen/93